【一個分手要坐監的小島】(20)
(上回連結：https://goo.gl/znShQv)
(由頭追起：https://goo.gl/pSyUsc）
從阿傑按下【同意】的一刻開始，他將要完全聽命於指令。
他對阿晴做的每件事，說的每一句，都不能發自他的內心。
阿傑有懷疑，到底由誰發出指令？
他腦裡閃過在監獄裡，讀著一本又一本兩性關係書籍的畫面。阿傑覺得，或許島上有專家、或者電腦系統把數據分析好，製定出他跟阿晴最完美的相處方式。
【到瑜珈中心接阿晴】
阿傑收到第一個指令。
他滿有希望，像重新找到方向般，向著瑜珈中心出發。
剛剛完成瑜珈課的阿晴，拿起手機，打開了阿傑的追蹤系統，見到他正走過來。
阿晴慢慢地更衣，計算著阿傑到達的時間，好讓她一出門口，就會剛好碰到阿傑。
「阿晴。」阿傑笑著，出現在阿晴面前。
「點解你會喺度嘅！？」阿晴一臉驚訝。
「妳成日話我唔識浪漫，依家咪畀個驚喜你囉！」阿傑邊說邊牽著阿晴。
阿晴笑得比平日更燦爛，裝出來的笑容要令阿傑不會懷疑，她不是事先知道他的心思。
而阿晴也不會知，那是出於一個指令，而不是阿傑心裡。
但他們幸福地十指緊扣回家。
「好悶呀，次次我哋行過，都播呢隻歌嘅。」阿晴說。
『We'll stay forever this way
You are safe in my heart and my heart will go on and on』
「可能陳經理鍾意睇《鐵達尼》啩⋯⋯」阿傑答。
「你知唔知呢，做瑜家嗰度呢，好Mean㗎，會有個投影機將啲減肥語錄，Show喺牆上面㗎。」阿晴說了另一個話題。
「例如呢？講啲畀我聽下吖！」阿傑關心地問。
「等我諗下先⋯例如⋯一個女人如果連自己嘅體重都控制唔到，又點可以掌控自己嘅人生！」阿晴再答：「一日唔瘦番，一日都唔可以買新衫⋯⋯仲有一句好賤，『一係就瘦、一係就死』，個個女仔睇到呢幾句，都即刻畀心機咁減。」
在阿晴說話的中途，阿傑收到了提示。
【抱起阿晴】
阿傑照著做。
「做咩呀，無啦啦抱起人！快啲放低我！」阿晴笑說。
【說甜言蜜語哄阿晴】
抱起阿晴後，阿傑猶豫了幾秒，平日少說情話的他，根不知道該說甚麼⋯⋯
【跟阿晴說：『妳一啲都唔肥呀，好易就抱得起妳啦！』】
陳經理在工作室內，監控著兩人，一邊看著桌上的劇本，一邊為阿傑輸入對白，還為他設定語氣，一切度身訂做。
「妳一啲都唔肥呀，好易就抱得起妳啦！」阿傑照著說。
阿晴：「你係咪做錯咩事，做咩今日咁口花花？」
阿傑：「咁妳開唔開心吖，氹下妳吖嘛！」
【跌倒在地上 裝作扭傷腳】
阿傑跟著指令做，趁阿晴在看手機時，仆倒在地。
「你有冇事呀？」阿晴緊張地問。
「應該扭親⋯⋯」阿傑答。
「但仲有排先行到番去喎⋯你得唔得㗎？」阿晴續問。
阿傑𣈴一𣈴手機，再答【應該Okay⋯但妳要慢慢扶住我⋯⋯】。
阿傑的左手搭在阿晴肩上，一拐一拐地走。
阿傑一邊走，一邊跟阿晴說：【妳記唔記得，啱啱識嗰陣，妳都成日咁樣扶住我。】
阿晴：「都唔知你嗰陣係咪扮嘢嘅！邊有可能傷成三個月咁多吖。」
【唔係咁，邊可以成日見到妳？】阿傑又再照著陳經理輸入的對白答。
阿晴的確覺得阿傑跟以前不同了，但她很喜歡這個他，懂得浪漫、懂得甜言蜜語的他。
藍天白雲下，他們今天比平日走得慢，沒有在海邊散步，卻踏著更浪漫的步伐。
然而，當他們一回到家，卻聽不到平日的喵喵叫，阿傑阿晴的小貓也沒有立即走到他們的腳邊磨蹭。
小貓軟弱無力地躺在家裡一角，地上有他的嘔吐物。
「Pat Pat你點呀，有冇事呀？」阿晴眼眶紅紅地抱起小貓：「佢好似好唔舒服⋯⋯」
小貓勉強地睜開眼，輕輕地叫了一聲，彷似叫主人不要擔心，但數秒後，又再合起雙眼，呼吸很沉重⋯⋯
「點算好⋯⋯」阿晴摸著小貓的頭。
阿傑拿起了電話，立即致電陳經理⋯⋯
（1000likes + 120shares 待續）
***每晚約10點出文***
———————————
今日好番少少，繼續出故事～～
多謝大家體諒～～～
PS1: 睇完文講句加油支持。
PS2:我為這個故事整理了一個相簿，方便新讀者追看。
幫忙Like & Share呢個：
【相簿連結】https://goo.gl/pSyUsc
Like Page追故事： 莎比亞
Search